दिवसांवर दिवसांच्या राशी
जीवन म्हणजे खर्डेघाशी
फोडासम जपलेले शैशव
खपली धरते तळहाताशी
तुझ्या बटांशी खेळुन जावे,
वार्याची इतकी बदमाशी?
बांधू जेथे घरटे आपण
तिथेच मथुरा,तिथेच काशी
भुकेल्यांस भाकरी नसे, अन
खाणारे खाऊन उपाशी
तुझ्याविना जगण्याची शिक्षा
हीच का मरेस्तोवर फाशी?
जरी वादळे येतीजाती
लाटांना भिडतात खलाशी
कमीत कमी शब्दांत स्वत:ला उधळून टाकलंय - माझ्याचसारख्या अनेक उधळ्यांसाठी :)
No comments:
Post a Comment