Sunday, January 16, 2022
वसुदेव
Saturday, January 15, 2022
जागरण
“फार जागरण करता का?”
मी हो म्हणायच्या आत म्हणाले -
“करत जाऊ नकात!
त्याने
बीपी..वाढेल,
पोट..सुटेल,
पोटात..मळमळेल,
पित्त..खवळेल,
चित्त..ढवळेल”
डॉक्टरांचं हे ऐकून मी म्हटलं - “डॉक्टर,
रोज तीन वेळा..खाणं
दोन वेळा..धुणं नि घासणं,
वीकेंडला एकदा..पिणं
क्वार्टरली खंडाळा, लोणावळ्याला..जाणं
करता का?
घराचे, गाडीचे, इन्शुरन्सचे..हप्ते
दूधवाला,केबल, मोबाईलची..बिलं
इन्कम, प्रॉपर्टी, वॅल्यु ऍडेड..टॅक्स
भरता का?
मुलाचा..होमवर्क
म्हाताऱ्याचा..आशीर्वाद
म्हातारीची..काळजी
मुलीला..कुशीत
बायकोला..घट्ट मिठीत
घेता का?
भिकाऱ्याला..भीक
देवळाला..दान
विद्यार्थ्यांना..पूर्ण मार्क्स
देता का?
याची उत्तरं हो असली काय
किंवा नाही असली काय
क्रियापदानंतरचा का
क्रियापदाच्या आधी लावा
नाय तुमची झोप उडाली,
तर पेशंट म्हणून नाव नाय सांगणार!
Monday, January 10, 2022
दीपगृहे
मध्यसमुद्री डुचमळणारी
Thursday, January 06, 2022
प्राणायाम
दोन बंद डोळ्यांत
करून घ्यायचे बंद
लुकलुकणारे तुझे स्वप्नील डोळे
फक्त माझ्याकडे बघत बसलेले
आयाम माझ्या प्राणाचा हा एव्हढाच!
आपली बोटं एकमेकांत गुंतली असेपर्यंत