दोन बंद डोळ्यांत
करून घ्यायचे बंद
लुकलुकणारे तुझे स्वप्नील डोळे
फक्त माझ्याकडे बघत बसलेले
सताड उघड्या कानात
घ्यायची साठवून तुझी
वाणी, तुझी गाणी,
(माझी विराणी)
चढत्या प्रत्येक श्वासात
भिनावेत डोंगर, वारे,
झरे, धबधबे, तुझे अत्तर
केस मोकळे
आयाम माझ्या प्राणाचा हा एव्हढाच!
बाकी
उच्छवास (की उश्वास?),
(सुटका की) निश्वास..
सगळ्या अफवा आहेत
आपली बोटं एकमेकांत गुंतली असेपर्यंत
No comments:
Post a Comment